東京街日本料理 (西洋菜南街)

营业中

休息中

🐽 刺身定食刺身定食跟咗茶碗蒸、麵豉湯同沙律。茶碗蒸滑溜得嚟蛋香夠，入面有冬菇同雞肉，熱度啱啱好。麵豉湯唔會死鹹，飲到淡淡昆布同鰹魚香。沙律菜新鮮爽脆，醬汁開胃主角刺身拼盤有齊三文魚、油甘魚、吞拿魚、帶子、北寄貝同赤蝦。三文魚肥美夠油香；油甘魚爽身帶甜；吞拿魚深色部位無筋；帶子同北寄貝夠凍夠鮮甜，完全無雪藏味；赤蝦大隻爽口，食落新鮮有甜味🐽 叉燒拉麵湯底係豬骨濃湯。叉燒有兩大片，半肥瘦燜得夠腍，入口即化又入味。麵質選咗中太麵，掛湯力強，食落有咬口。溏心蛋流心效果做得唔錯，蛋黃香濃。整體兩款食物水準都幾高