東京街日本料理 (西洋菜南街)

营业中

休息中

又怕回唔到本又想放題咁食, 朋友推介我黎東京街, 本身以為得外賣店, 原來有堂食?台同台之間距離好近, 基本上都聽到隔離台傾咩成間鋪都走日本風, 又燈籠又SAKE 幾有FEEL~前菜：三文魚刺身(68$)＋芒果沙律 (48$)海量沙律醬有小小震攝眼球, 好似完全唔怕蝕俾你相當大方, 味道正正常常, 芒果同青瓜絲都清甜刺身好好好好好厚切, 放入口油脂大爆發, 真係2舊已經ko .散叫sushi：三文魚腩 (11$/件) ; 海膽 (35$/件) ; 花之戀 (16$/件) ; 油甘魚 (13$ 件)串燒小試牛舌 (28$), 想留返quota 俾鎮店寶盒熱辣辣上台, 唔算特別厚切 BUT 爽口唔韌, 重點有牛味雜錦寶盒 B – 128$(芝麻八爪魚 ; 溏心蛋+ 冷烏冬; 刺身有帶子&油甘魚; 壽司有三文魚; 甜蝦; 鰻魚; 加州卷)仲有甜品日本大福一枚+跟餐DRINK, 食完絕對係happy ending lol食材好新鮮, 深信小店係好有heart由外賣做到堂食. 平民價錢滿足到放題慾望, 唔怪得全場滿座！埋單喪食加埋4百幾, 高質素我地覺得推推推推 0 肉痛放題式咁eat！

同大少去開太子，就當然要係食埋個午餐先得，上次自私食嚟左東京街都覺得唔錯，所以今次就帶埋大少嚟個好味係要再encore啦！餐廳唔算大，不過都坐得舒服。午餐定食選擇都多，有壽司、魚生丼、拉麵或者咖哩飯類，總有一款啱你嘅。最後我地一份什錦寶盒套餐、牛板腱壽喜燒同埋珍寶帶子刺身。先嚟我嘅一人前什錦寶盒，估唔到真係超級豐富，既有生蠔、三文魚、油甘魚、甜蝦、吞拿魚、帶子魚籽、加州卷、日式煎餃、玉子燒、日本大福。額外追加$28可以有埋麵豉湯、茶碗蒸、蟹籽沙律及飲品，而且仲配上冷烏冬，真係何其豐盛，當然味道同樣唔錯。各款刺身、都好鮮甜，絕對係水準之作。另外肥啫啫嘅生蠔同樣鮮味不絕，煎餃入口都脆卜卜，以依個價嚟講絕對係勝價比高。另外珍寶帶子刺身同樣出色，無論其軟滑度、鮮甜味道、厚度都係超水準之作，令人一食難忘。大少就嚟左一客美國牛板肩壽喜燒，壽喜燒材料都好豐富，除左有肥美嘅牛板肩之外，仲有前茶、野菜拼盤、蛋、及烏冬。店員姐姐教我地可以牛板肩兩食，先嚟可以鍋上將牛板肩燒熟，就可以令肉味更加香濃鮮甜，其後就可以將野菜拼盤、烏冬、壽喜燒汁加入鍋上，野菜及烏冬吸入湯汁變得更香口，而牛板肩肉質就細嫩又帶點彈性，

這家餐廳真是海鮮控的天堂！食物選擇多元又新鮮美味，特別是東京蟹皇飯，滿滿的蟹肉和蟹籽，每一口都讓人回味無窮，絕對是必點中的必點。搭配香甜的果酒，更是讓這頓飯增添了完美的風味。整體用餐體驗非常棒，絕對值得一試！

昨晚跟朋友出到太子，我們想吃日本菜，便在始創中心對面找到這餐廳。這店的食物款式很多，有刺身、壽司、壽喜燒、拉麵…。而且很多主菜也可以升級轉套餐，我們升級了C、D兩個套餐。C 湯或飲品 配蟹籽沙律（+$22）D 湯茶碗蒸 蟹籽沙律（+$28）三文魚腩帶子甜蝦蓉魚籽丼（$123）這個丼飯十分豐富，包括：三文魚8件、北海道帶子2粒4切、三文魚籽。完全適合我這愛吃魚生之人。每款刺身都很大件、肥美鮮味。三文魚子也很大粒。火灸三文魚丼（$118）火灸三文魚面層上有一絲絲的微香煙燻味，配合底層的温潤脂油和柔軟厚滑的魚肉，配上黏黏的珍珠飯，口感與味道一流！蟹籽沙律，滿滿的青瓜絲和蟹籽，加上沙律汁，美味清爽，是炎夏中一道美好的開胃菜！另收加一服務費

東京街東京街我喜愛的日式美食店子，精緻而性價比高火炙左口魚壽司外焦內嫩，魚肉鮮甜，炙燒的香氣提升了整體風味。搭配的醬油與芥末恰到好處，令每一口都充滿層次感香煎牛油帆立貝壽司口感滑順，貝肉鮮美，牛油的香氣令味道更加豐富。外焦內嫩的完美口感，搭配香醇的醬油，這道壽司無疑是海鮮愛好者的最愛。燒秋葵金菇肥牛牛肉卷口感獨特，牛肉鮮嫩多汁，秋葵的脆爽與金菇的香氣相互輝映。每一口都是豐富的口感體驗，搭配的醬汁更是提升了整體的風味滑蛋吉列豬扒丼是一道令人垂涎的美味。金黃酥脆的豬扒外皮香脆，內裡肉質鮮嫩多汁，與滑蛋的綿密口感完美結合。蛋液淋在豬扒上，豐富的醬汁滲透米飯，讓每一口都充滿了滋味。搭配清爽的青菜，平衡了整體的油膩感，令人食指大動。這道料理不僅滿足了味蕾，更帶來了視覺上的享受北海道丼是一道極致的海鮮盛宴，讓人一見傾心。三文魚鮮嫩多汁，帶子彈牙，牡丹蝦活潑鮮甜，海膽則帶來濃郁的海洋風味。油甘魚的細膩口感與蟹膏的香醇相得益彰，蟹肉鮮美，讓每一口都充滿驚喜。最後，三文魚子點綴其上，增添了鮮明的色彩與口感層次 每個主食，可加配茶碗蒸及飲品，就是完美大滿足

熱到爆廠，旺角人多車多。係始創中心附近；我地去左一間名叫東京街的日本料理，入面裝修得好有日本feel，真係好吸引。無論係燈光定裝飾，全部都好有格調。我哋叫咗北海道海鮮鍋，鍋入面嘅海鮮新鮮到不得了，味道一流！加個午市套餐：極尚角切魚生丼；內有三文魚粒、時令魚粒同埋大量魚籽；仲有牡丹蝦，味道鮮美，搭配凍檸茶少甜，真係消暑又解渴。套餐仲有茶琬蒸同沙律、麵豉湯；超抵食。另外，我哋仲追加咗帶子刺身兩件，鮮嫩得來又帶點彈性，食完令人意猶未盡。最正係磯煮鮑魚刺身兩隻，入口即化，豐富嘅海水味令人回味無窮。呢度坐得舒服，食物美味，服務超水準，讓人愉悅。高水準食肆，一定要支持👍🏻

今朝同兩個朋友喺旺角行街，行到西洋菜南街遇到暴雨，冇辦法，就喺東京街門口避雨，見佢門口嘅菜單唔貴，而且菜式種類好多，就入去試下。我哋叫咗什錦刺身定食，入面有三文魚、赤身、油甘、章紅、八爪魚、北寄貝、甜蝦。刺身好新鮮，帆立貝大又厚，咬落去好有口感，油甘肉質厚，章紅就甜甜地，八爪魚咬落去有啲彈性，北寄貝同甜蝦都好靚，食得出新鮮。串燒大滿貫都好豐富，有大蔥雞肉串、燒椒一口牛、荔枝煙肉卷、燒帆立貝、燒大虎蝦同燒牛舌。大蔥雞肉串烤得啱啱好，蔥香味足；燒椒一口牛肉多汁，燒得香脆；荔枝煙肉卷好特別，煙韌味道加上荔枝嘅甜，原來咁夾。燒帆立貝新鮮，虎蝦好大隻，燒牛舌有濃郁肉香，每樣都好食。海鮮烏冬同辣味螺肉，正常發揮。我哋三個女仔食兩個定食加個串燒已經飽哂，埋單平均每人佰幾蚊，食到呢個質素真係好抵。服務又好，值得再來！

發現間街坊日式料理🍣有時想食壽司又吾想排壽司郎，就會去下壽司店～日式和風裝修得幾靚佢哋嘅魚生切得好厚‼️仲有好多選擇，有壽司套餐、丼、雜錦寶盒、壽喜燒、串燒等❣️特別推介佢哋嘅燒魷魚串🦑$38好抵食！有原隻魷魚！吾韌好彈牙！什錦寶盒🍣一上枱真係好豐富！好啱選擇困難症人士🤣一個價錢食晒咁多嘢，魚生食落算新鮮吾腥！幾中意帶子切到花甘🪷好鮮甜！竟然仲有大大隻生蠔！魚生沙律🥗估唔到有甘多魚生！三文魚、油甘魚、吞拿魚，鋪滿晒個面！好想食海膽，嗌多咗個軍艦！海膽望落金黃色好靚好，但有少少腥苦，可以pass！唔想食生嘢，可以揀熟食便當，最平$77就有雞扒/鯖魚便當！整體價錢吾貴份量又多🍥-★ 什錦魚生沙律 $78★ 燒魷魚串 $38★ 海膽軍艦 $35★ 雞扒牛肉便當 $88(+$28: 味噌湯 茶碗蒸 蟹籽沙律)★ 什錦寶盒C $158• 三文魚刺身3件、油甘魚刺身2件、甜蝦刺身2件、吞拿魚刺身2件- ⁠生蠔1隻- ⁠日本大福1件- 玉子燒1件- 帶子魚籽壽司1件- 加州卷2件- ⁠日式煎餃子2件- ⁠烏冬

太子《東京街》嘅價錢好抵，環境又舒服，係太子一帶嘅日式料理之選😉今日黎到試咗佢哋嘅幾款招牌菜式：🍣 三文魚帶子甜蝦蓉魚籽丼三文魚油脂分佈靚，厚切肥美；北海道帶子幾鮮甜；甜蝦蓉送飯真係特別開胃；加埋三文魚籽，好豐富！🍙 軍艦壽司系列- 芝麻八爪魚：口感爽彈- 芥辣八爪魚：啖啖都帶住微微辛辣- 蟹籽軍艦：啲蟹籽粒粒分明，唔腥- 螺肉軍艦：螺肉夠厚，口感十足🌸 花之戀食落好有層次，又靚又好味！🌯 蟹籽手卷蟹籽香口唔膩🥗 芒果沙律清新解膩，芒果甜得嚟唔搶味，加埋爽脆蔬菜，非常開胃🍗 炸芝麻雞翼（3隻）雞翼炸得金黃香脆🐟 三文魚刺身（4件）厚切新鮮，脂香十足，唔使點醬油都已經好好味

抵食日本菜餐廳難怪午飯時段座無虛席😱連樓上位置都坐滿咗～～-(午餐)極尚火炙壽司定食-追加芝麻雞翼 -鰻魚·怪獸三文魚腩·大赤蝦-劍魚腩·油甘魚·芝士玉子-醋鯖魚·蒜香帶子·左口魚·加州卷$12x 呢個價錢食到咁多件壽司仲有茶碗蒸、沙律、麵豉湯仲要件件都好肥美同厚切😱左口魚更加係油香大爆發～～-海道樂盛 -牡丹蝦•怪獸三文魚腩·活赤貝-甜蝦·魚籽拖羅蓉塔呢個係單點，質素唔錯🤤最愛活赤貝同牡丹蝦，鮮味十足-蟹籽沙律 就係最傳統最理想嘅蟹籽沙律風味爽脆青瓜絲加上醬汁唔會有難以接受嘅草青味～-白雞湯雞肉拉麵 比較淡雅既白雞湯貼近港式風味拉麵

想吃性價比較高的日本料理，可以到這間位於太子的東京街日本料理，主打一個價錢就可以吃到多種口味的寶盒，真的是愛吃的人福音了！什錦寶盒Ａ寶盒份量真的挺不錯的，而且一次過就吃到串燒壽司和刺身，真的挺滿足。壽司還有帆立貝，味道非常鮮甜。串燒也挺特別有豚肉荔枝，吃起來特別多汁。刺身是三文魚，特別嫩滑鮮甜，而且還挺多片。還有茶碗蒸，辣味螺肉和胡麻醬烏冬呢。什錦寶盒Ｃ這個就愛吃壽司的一定要選這個，除了有生蠔外，還有多款刺身和壽司。刺身更切得挺厚的，油甘魚肥美，三文魚嫩滑，還有魚香十足的吞拿魚，當然主角生蠔也很鮮甜了。三文魚腩壽司魚腩油脂非常豐富。花之戀滿滿的魚籽加上沙律醬，再配上三文魚，口感豐富，味道香甜。火炙芝士鰻魚壽司火炙後芝士特別香，而且整個入口即化的口感。吉列蝦卷性價比挺高的，一共四圈，蝦炸得很香脆。

琴日放lunch同同事搵食，見到呢間餐廳門口裝修充滿日本風，好靚！入去發現午市套餐好抵食，每個餐都包麵豉湯、沙律同茶碗蒸，超豐富！🍤滑蛋厚吉列豬扒丼 $93賣相好吸引，吉列豬扒炸得外脆內嫩，香脆又唔會乾，下面仲有一層滑滑嘅炒蛋，而底層嘅珍珠米份量好多，好滿足。🍜日式叉燒拉麵餐 $73拉麵份量好足夠，裡面嘅日式叉燒肥瘦適中，入口軟嫩。配料仲有大量粟米同紫菜，加埋一杯凍檸茶夠哂飽~🍣火炙壽司定食 $98呢個定食好豐富，有三文魚、皇帝蟹棒、火灸油甘魚等多款壽司，款款都好吸引。火炙過嘅魚肉帶微微焦香，餐飲叫咗道地解茶~

東京街日本料理裝修猶如一般日本常見的平民食堂格局，款式很多樣化，丼飯種類很多，又可配成套餐，有齊蟹籽沙律、味噌湯及茶碗蒸。蟹籽沙律沙律用上高杯，蟹籽蟹柳絲青瓜絲菜絲混上甜甜酸酸的沙律醬，清爽甜美。北海道丼 北海道丼用上北海道常見食材，如三文魚、帶子、牡丹蝦、油甘魚、海膽、蟹膏、蟹肉及三文魚籽。三文魚籽充滿光澤，入口煙韌得來一咬即破，滲出點點甜香。海膽有滿滿的一小盒，鮮味十足，海水味濃。三文魚、油甘魚及帶子厚切口感柔軟細滑。大阪盛魚生丼大阪盛魚生丼與北海道丼最大的不同是多了磯煮鮑魚。鮑魚以醬汁及昆布慢火炆煮，肉質煙韌，軟硬適中，不失軟滑，味道濃郁。

這家餐廳環境舒適，讓人有種輕鬆愉快的感覺。食物選擇豐富，新鮮生蠔搭配檸檬和醬汁，鮮味十足；而蟹肉飯口感細膩，令人驚艷。此外，壽司拼盤有不同的特色壽司，肉質鮮甜，每一口都充滿驚喜。服務方面，員工親切熱情，隨時提供建議，讓用餐體驗更加愉快。整體而言，這裡是一個享受美食與放鬆心情的理想場所。

鐘情日式料理既我今次黎到位於太子西洋菜南街性價比高既東京街，一黎到就被門口和風style既裝修吸引住，一秒好似係日本既感覺，而店內食物選擇多樣化，有串燒，定食，刺身，壽司，丼飯，Shabu Shabu都應有盡有，定價合理好抵。今次叫左兩個什錦寶盒，北海道海膽卷，燒牛舌同燒荔枝煙肉卷，超豐富既賣相同口感，刺身新鮮，味蕾好滿足呀😉😉😉💞什錦寶盒B🍱~帶子刺身~油甘魚刺身~日本大福~芝麻八爪魚~溏心蛋半隻🥚~冷烏冬~厚切三文魚🍣~怪獸甜蝦壽司~怪獸鰻魚壽司~加州卷~味噌湯什錦寶盒C🍱~三文魚刺身~油甘魚刺身~甜蝦刺身~吞拿魚刺身~生蠔🦪~日本大福~玉子燒~帶子魚籽壽司~加州卷~日式餃子🥟~胡麻醬冷烏冬~凍檸茶~北海道海膽卷海膽好新鮮，一啖食口感層次豐富，推介。~串燒燒牛舌 燒荔枝煙肉卷東京街(西洋菜南街)📍 太子西洋菜南街228號地舖