東京チカラめし (已結業)

呢間日本過江龍快餐店每次經過都想試，難得今日早收工，所以就黎排隊試下!好在唔係排左好耐就有位。芝士燒豚肉丼(大) 豚肉的醬汁甜甜地，上面灑上黑椒粒，所以帶有少少辣，醬汁都幾多，可以拌飯，而豚肉面頭有溶溶地既芝士碎，有芝士既咸香，十分惹味!枱上亦有辛辣醬，加入之後味道辣辣地，好似食緊韓國飯咁，都幾正。另外加左泡菜一齊食，係日本餐廳食韓國味道都幾特別。聽講佢牛肉飯仲好食D，下次一於再黎試下。如果唔想排隊可以外賣返屋企食下。