台灣ET鹽水雞 (符興街) (已結業)

真係太耐冇去過台灣，我嘅思鄉情出晒嚟，見到上水竟然開咗ET鹽水雞，之前喺葵芳已經食過一次，覺得佢都做得好正宗好有台灣嘅味道，我今次叫咗個二人餐同埋水果餐，我之前已經好鍾意食佢個二人餐㗎啦，因為可以叫自己鍾意食嘅配料，同埋價格都好平，我叫咗青瓜、粟米筍同埋白雲鳳爪，今次試咗中辣，好香好辣好好味😋，同埋只係買$80就有咁大盒真係好抵食。另外個水果餐仲抵， $30就可以揀兩款水果，仲有兩隻雞翼同埋招牌洋蔥，我係第一次食水果餐嘅，原來芭樂同鳳梨係咁啱味嘅，因為之前喺台灣就未試過，原來配水果都係好啱鹽水雞嘅味道，所以值得一試，可能天氣熱酸酸甜甜辣辣咁，好正好好味😋