C0T (已結業)

一直都想試𠵱間餐廳，所以趁假期約咗一班朋友嚟食，由於我哋一行八人，因此我哋仲特登訂定枱。點知去到現場，店員不但冇留枱畀我哋，仲要我哋即場攞飛，而且仲要等多兩張枱，咁要人一家大細喺門外等幾耐？更離譜嘅係店員完全係愛理不理嘅態度，而且店內其實仲有一部分枱未用，但唔知係咪因人手不足關係所以冇開。我哋喺門口商議對策嘅時候，店方不但要求我哋行開唔好阻住佢哋，仲單方面將我哋嘅訂枱取消，我唔明如果係咁佢哋做乜畀人訂枱，訂咗又有乜嘢意義。