瀛風 (良景廣場) (已結業)

呢間係街市開咗好耐，都幫襯咗幾年，屋企人好中意食，基本上每個星期嘅星期六/日都總會有一餐係食佢。係附近黎講，除咗爭鮮同商場入面嘅八戶，基本上佢都真係算幾好，野食抵食，性價比相對高，咁耐可來一直幫襯都無野係最近呢兩次，有位上咗年紀嘅人士，兩次都大呼大喝，同佢講號碼拎外賣，大喝“等等啦，得唔得啊！“果種嘅喝係嗌到全場都聽到，然後等佢，等到佢叫拎嘅一刻，居然仲要不斷俾佢小，又話搞佢啲野，又話整亂啲野，叫完號碼又無講拎邊袋，咁人地點會知，咁一定係望下個號碼睇下自己拎得啱唔啱啦，睇一睇又大喝“搞亂曬啲野” 雖然都明可能星期六日夜晚多單，個人會燥啲，但未至於咁樣呼喝掛。以前買咁耐都未試過係咁，近排兩次都係咁，真係有啲失望