影片
招牌菜
呢间系街市开咗好耐，都帮衬咗几年，屋企人好中意食，基本上每个星期嘅星期六/日都总会有一餐系食佢。系附近黎讲，除咗争鲜同商场入面嘅八户，基本上佢都真系算几好，野食抵食，性价比相对高，咁耐可来一直帮衬都无野系最近呢两次，有位上咗年纪嘅人士，两次都大呼大喝，同佢讲号码拎外卖，大喝“等等啦，得唔得啊！“果种嘅喝系嗌到全场都听到，然后等佢，等到佢叫拎嘅一刻，居然仲要不断俾佢小，又话搞佢啲野，又话整乱啲野，叫完号码又无讲拎边袋，咁人地点会知，咁一定系望下个号码睇下自己拎得啱唔啱啦，睇一睇又大喝“搞乱晒啲野” 虽然都明可能星期六日夜晚多单，个人会燥啲，但未至于咁样呼喝挂。以前买咁耐都未试过系咁，近排两次都系咁，真系有啲失望
继续阅读
相信呢间店已经深受一班屋邨街坊欢迎，但对事唔对人，先讲食物。我点嘅系火炙三文鱼饭，三文鱼有6块，合理。但块块都得纸皮咁簿，寿司饭调较味道同口感都好一般，但份量还可。再讲态度，打算同收银开始落单，之后佢就系到听电话，完全无意识有人等紧点餐，而且亦无示意唔好意思，轻描淡写继续倾。落单个阵，我先讲一个豚肉泡菜乌冬，再加个软壳蟹手卷，唔需要野饮。佢出张单竟然出左芝士软壳蟹卷，收多我30几蚊。我话唔好意思我系要软壳蟹唔系芝士软壳蟹，佢竟然话听到有芝士两个字。拜托，屋邨生意都系生意，一个该有嘅态度系好基本，食物质素我都希望你地对得住个价钱。
继续阅读
呢间位于良景街市嘅寿司外卖店，我哋屋企人成日都帮衬😆😆如果唔想企喺佢𠮶度等嘅话都可以打俾佢哋，或者WhatsApp咗佢哋叫咗先再落去俾钱就可以即刻拎😉😉😉佢有几样必食嘅推介，一系灸烧蟹柳 灸烧帆立贝 灸烧牛油赤海虾 炸虾卷 蟹籽沙律寿司船都非常之好味😘😘😘不过今日𠮶嚿三文鱼腩寿司个部位就唔系咁靓🥹🥲但总括嚟讲都系CP值好高 服务态度良好 如果唔想去咁远 做街坊生意嘅话，我认为呢一间寿司店都好值得叫😇💗
继续阅读
今日去咗探朋友,上去前去咗良景市集买咗几𠮶日式便当上去开餐。见瀛风餐牌选择多,有刺身、寿司、手卷、丼饭、乌冬等,而且丼饭和乌冬仲送饮品,每款价钱约$50-$60,都几抵食。四色丼有新鲜三文鱼、弹牙甜虾、油脂丰富油甘鱼、粒粒鲜味蟹籽,咁多款刺身捞饭食就最啱咖哩吉列猪扒乌冬块猪扒炸得香脆,猪扒内裹仍有肉汁,加埋香浓咖哩汁捞埋烟韧有咬口乌冬,非常美味滑蛋鸡扒丼鸡扒非常juicy 又大件,滑蛋份量也超多,蛋汁渗到每饭粒,湿润之外蛋味浓,口感唔错饮品方面叫咗青苹果荔枝绿茶、菠萝草莓绿茶、薄荷荔枝绿茶,三杯都是大大杯,甜甜地,加上冻冰冰,清凉又解渴
继续阅读
炙烧三文鱼丼呢个饭真系好好味！欣赏佢啲三文鱼好肥美！整好之后即使app送过嚟都仍然有温度！欣赏佢成个饭摆得好靓，而且仲有甜豉油同埋Wasabi！加落去食啱啱好，饭嘅份量唔会好多，都系适中！可以享受到一啖三文鱼一啖饭呢个黄金比例真系冇得输。三文鱼刺身由于真系好钟意食三文鱼刺身，所以买咗盒大嘅再加多个少嘅！不过食落觉得三文鱼刺身就一般，唔系太鲜甜。鸡软骨饺子鸡软骨饺子可能因为外卖嘅关系送到黎都林左，但系食落都系好味嘅！菠萝士多啤梨绿茶呢个水果嘅组合好特别，饮落去都唔会太甜，而且仲有绿茶味！
继续阅读