貓粉 (已結業)

之前係網上見到好多報道介紹呢間貓cafe，立即親復活節假期去試下。當日有小朋友同行，中午去到，一打開門，一位男店員衝出嚟，首先要求我哋閲讀門外細則，然後大力關門。感覺已經係被拒於門外。因為唔想令小朋友失望，詳閱細則後再打開門，一位女店員叫我哋坐低然後黑口黑面走開，感覺好似唔想做我哋生意。餐點等候時間亦好長。當日要求多一份餐具亦被女店員非常差既態度對待。這次感覺很難受，試過好多間貓cafe 係得呢一間唔想再去。