影片
以上资料只供参考，请与餐厅确认详情
如果唔想做生意可以唔用留电话，只系打来问可唔可以booking，唔答我都算，态度真系好差，问咩都系好大声咁重复，你去睇我地社交平台啦，问唔到两句就cut线。就算系叫人睇社交平台都可以礼貌d同人讲挂？真系唔知咁听电话系为咗么？未去已经完全无哂好印象……如果整日都系呢种态度对客人，唔怪得呢度关于态度概差评咁多。写低系希望店家可以思考下做法，是否需要将想来概客人都拒之门外
继续阅读
一入到去店铺感觉好细，只有6张枱，网上讲话有2层，但上面放了货只开下面，感觉好似小型茶餐厅，与网上讲嘅舒适完全不乎！未坐低就收钱先，收左钱之后无service 过我地，要自己走出去攞住menu同佢落单。还有饮品没有味，好难饮！店主冤枉小朋友欺负猫猫，明明小朋友玩得好斯文(有片)，只系兴奋得仔哗左一声，同开心嘅笑声（绝对不是喧哗）但店主2，3次都好恶咁闹同吓小朋友，最后我哋仲被赶走！但一入门口就收左你钱先！则系咩意思？！最后小朋友吓到好惊同埋不停咁喊，以后都不会再帮衬！
继续阅读
一入到去已经有一只猫咪行过嚟 环境好好 装修都系好正常唔会话好污糟 睇啲食评嘅时候仲以为店主好恶 但实际上唔系啰 店主不停同一个 客人倾紧关于猫咪嘅嘢 啲店员都好好人 我问店主𠮶只猫咪叫咩名佢都会同我讲 走之前仲会讲拜拜 而且入面好休闲 啲客人真系好钟意猫咪 去嘅时候有八只猫咪镇店 佢哋真系好似一啲小员工咁样好cute 唔单止啲猫咪好得意 𠮶啲嘢食都好食 一个唔小心就沉迷咗喺入面想试下接触猫咪嘅可以去睇下 搭个小巴就到好近 仲以为要揾好耐 企喺外面挥手 店主就已经即刻行出嚟睇完规则之后就可以入去 进出都要店主开门 费事啲猫咪走出去总括嚟讲 真系一间好嘅店
继续阅读
趁男友生日，佢又好钟意猫猫，所以专登带佢去🥰入门前已见到不能自己乱开门，始终宜家猫猫晌地下呢层，可以理解～～之后入到去买咗猫零食俾猫猫们，一有嘢食就涌晒埋嚟劲可爱🤣，猫猫嘅状态同毛质体态都话我知店主照顾得佢地好好～两位店主超好倾🤣系咁科普我地猫猫知识，教喂药又教我哋点样帮佢地剪指甲，我觉得自己好对猫猫唔住，因为店主令佢地嚟示范🤣🤣🤣🤣🤣认证猫奴无误，其实只要唔好吓亲猫猫，睇晒规则先入去，都唔系好难啫，觉得店主超nice好友善（实不相瞒，睇完之前一啲Comment搞到我以为店主真系好恶😓一啲都唔觉啰⋯）Btw，我觉得女店主整得好好食⋯个炸鸡系劲Juicy，男友叫的乌冬都好食😋会再去～～～～🥰
继续阅读
之前系网上见到好多报道介绍呢间猫cafe，立即亲复活节假期去试下。当日有小朋友同行，中午去到，一打开门，一位男店员冲出嚟，首先要求我哋阅读门外细则，然后大力关门。感觉已经系被拒于门外。因为唔想令小朋友失望，详阅细则后再打开门，一位女店员叫我哋坐低然后黑口黑面走开，感觉好似唔想做我哋生意。餐点等候时间亦好长。当日要求多一份餐具亦被女店员非常差既态度对待。这次感觉很难受，试过好多间猫cafe 系得呢一间唔想再去。
继续阅读