生原創(蛋包飯)

营业中

休息中

喺香港已經越難越食到好好味嘅蛋包飯，再加上紅磡嗰間流心蛋包飯都結埋業，喺香港應該淨係得返呢間可以食到流心蛋包飯，可以食到京都嘅味道。唔知有冇人同我一樣時不時都會好掛住呢度嘅蛋包飯，記住係要加＄16轉流心蛋包飯！！！今日咁岩入元朗有嘢做，梗係要去教育路食返餐我夢寐以求嘅蛋包飯啦，呢度嘅主廚好似日本人，但係其實佢係香港人嚟㗎，只係去咗日本10幾年學廚。。。。入到去坐低即刻二話不說帶咗個鰻魚蛋包飯再加多＄8試吓佢哋嘅黑咖喱汁，每次侍應拎碟蛋包飯出嚟嘅時候我都覺得好有治癒嘅感覺，由其係用把刀切落去嗰蛋度，啲蛋溶出黎嗰下，唔使食已經好滿足啦。。。然後再嗌咗個蛋卷同埋牛魔王串燒，全部嘢食都好好味，如果可以開到間係九龍就好啦！