鮨玥 (已結業)

友人生日，知佢鍾意食日本野，就揀咗間近佢嘅日本餐廳豪食。食物方面選擇多，揀咗壽司、丼飯、燒物同甜品。海三色丼飯有大蝦、三文魚同油甘魚，全部都好肥美，又大塊，不過飯就多咗啲。跟餐有麵豉湯、沙律同茶碗蒸。茶碗蒸幾出色，加咗冬菇同蟹柳令味道更鮮，蛋又香滑。河豚刺身唔係好易食到，呢度嘅河豚係由日本持證師傅處理再空運到港，唔使驚有毒素。口感煙韌，點酸汁一流。叫咗八件壽司，最鍾意海膽、深海池魚同拖羅，食得出係靚野，冇腥味，入口鮮甜。冇諗過唐揚炸雞會咁好食，好juicy，真係外脫內嫩，一啲麵唔乾。白鱔又係燒得好好，魚皮夠脆，魚肉嫩滑彈牙。牛吞如果厚啲會更好咬口熱辣辣玉子燒最後食埋蜜桃雪葩，好香桃味，正！侍應好細心，時不時會斟茶。