永順食店 (已結業)

今日星期六入咗元朗，第一站就即刻去朋友介紹嘅永順食店排隊食早餐，11點去到，條隊已經有10幾人，我差等咗半個鐘左右就有位啦。遠近馳名嘅沙嗲牛肉麵當然係必食之選，朋友叮囑一定要叫佢哋嘅炒牛肉蟹王麵加沙嗲汁，我就叫埋煎豬扒雙拼。一嚟到見到碗麵，已經聞到好香濃嘅沙嗲，味道唔算好辣，好香花生沙嗲味。沙嗲汁再配埋炒牛肉，炒過嘅牛肉味唔重，好好味！蟹王麵啲麵質有D似伊麵，都掛到啲沙嗲汁。煎豬扒亦都係真心推介，唔會好油膩，味道適中有口感。