棋哥燒鵝 X 炯記餐室 (已結業)

如果想喺銅鑼灣平平哋食一餐, 真係唔會太多選擇。早幾日喺銅鑼灣同幾個朋友買完嘢， 本想 簡簡單單係謝斐道食碗米線， 點知被店員安排4個人分開坐， 仲要分開東南西北，所以情願唔食， 都唔要受氣。 其中兩位朋友嬲到走咗。我最後試咗隔離嘅棋哥， 夜晚時段仲有宵夜餐， 包埋嘢飲仲平過隔離食米線。 真係好抵食。 而且比米線店坐得舒服我們分別叫咗兩個餐，常餐，有一碗細叉燒米粉， 同埋滑蛋火腿餐包， 仲有凍檸蜜。 都只係48蚊另外叫咗麻辣手撕雞撈粗， 加埋杯凍檸蜜都係46蚊。雖然唔算係好好食， 但係以呢個價錢已經非常抵食，交足功課。