佳記餐廳 (已結業)

返工經過尖沙咀開會，滾水淥腳趕住下一場會議， 沿途經過佳記餐廳，立即衝入去快快食過午餐。 點了一個以色列雞扒煙肉飯 $50，跟餐有羅宋湯和一杯啡走。 雞扒都算幾大塊，味道唔錯幾juicy，煙肉比較硬身， 芡汁味道有點香草帶微辣。 羅宋湯酸酸甜甜，夠曬開胃。近排到茶餐廳好喜歡叫啡走，個人感覺茶餐廳的咖啡加煉奶味道比起普通咖啡好飲，甜度適中。因為好多時茶餐廳都不供應黄糖，所以直接叫啡走不用自己落糖了。尖沙咀係一個繁忙嘅地方，雖然中午時段但佳記餐廳都算坐得舒適！