亞參雞飯 (奧海城一期)

营业中

休息中

中意佢環境舒服，成日都唔洗等位，又唔會好貴，又幾好食，飲品通常跟餐加$10大大杯。每次都叫海南雞轉雞髀肉，份量一時多一時少，不過都好好食，最緊要係夠滑。油飯好開胃，湯都好飲，唔會好覺係味精湯，飲完唔口乾。今次試埋亞参魚，套餐$100有找，無咩骨又夠味道，配料仲有秋葵同蕃茄等等。煮到入曬味食落仲好juicy。整體黎講都好好，上菜又快，飲品無得係app叫少冰黎到又唔會成杯冰，而且間野無加一，真心抵食！