金記冰室 (屯門時代廣場北翼) (已結業)

新搬入黎屯門真係要慢慢食先食得哂所有餐廳！今晚求其想嗌餸食飯，我地2個人嗌左個2人餐都仲要嗌多2個餸揀咗霸王雞重點係個豉油同埋啲蔥蒜，好香滑隻雞又唔會過肥叉燒炒蛋唔好睇好似好簡單，啲叉燒唔可以太鞋啲蛋又唔可以太熟呢度做得剛剛好送飯一流。太好食嘅關係覺得佢份量太少所以再嗌左咕嚕肉同金銀蛋肉碎浸時菜。咕嚕肉唔會太酸，大大粒甜甜嘅菠蘿更有胃口。乾身唔會太多汁令到夠咕嚕肉林晒最後個金銀蛋肉碎浸時菜，清清地唔會覺得個湯好多味精，一大碗好足料我哋兩個人全部食晒就知道幾好食啦。