占占酸辣米線 (已結業)

同朋友玩完室內攀石，好攰，見到對面呢間米線店，我哋兩個都想快快脆脆食個晚餐，然後返屋企。 小店裝修格局，乾淨企理。湯底有清湯、酸辣、麻辣3款口味，我哋兩個都鍾意麻辣🌶，喜歡花椒那份麻香的味道。🍜三餸麻辣米線$52 (腩肉、韮菜、 魷魚🦑)🍋飲熱檸水+$4我點咗三餸麻辣米線，要求少米線，湯底不太油膩，麻辣配合得亦平衡，係我鍾意嘅味。腩肉燜得入味、魷魚爽滑。🐟炸黃膳骨皮$42呢個小食其他地方好少有， 炸到金黃脆卜卜，幾惹味，我浸落麻辣湯到，吸收麻辣湯，加添惹味，但口感依然脆卜卜，口感高分。🐮麻辣肥牛米線$52，煎午餐肉+$9，韮菜+$9，飲凍檸茶+$6🍋朋友選了肥牛加午餐肉，十分邪悪😆，肥牛份量都唔少，而且每一啖都食到配菜，酸菜、芽菜及韮菜都幾多幾慷慨，又麻又辣好過穩。再飲啖凍檸茶，佢話好正😆。