極尚大瀛喜日本料理

营业中

休息中

上菜快靚正相信係極尚大瀛喜放題餐廳嘅宗旨，雖然地方淺窄但上菜速度及準確度值得一讚一坐低點選想食的食物，基本上食物總類繁多，個肚根本挑戰唔曬，記住食幾多點幾多，唔好做大曬鬼！之前食過尖沙咀分店，今次嘗試你間新店食物品質方面依然keep到水準,刺身方面三文魚及章紅魚新鮮度一流，帶子及大蝦鮮甜但今次嚟到喜出望外的是壽司,壽司不會因為係任食而飯多於配料，壽司新鮮味道亦不錯！賣相方面卷物最為吸引又夠特別～食到咁上下見到隔離枱點左鮑汗汁燴花膠，即時再點一客，雖然賣相一般但都尚算真材實料，估唔到放題都有花膠食！牛柳粒是必食推介，超級香口惹味，牛柳粒啖啖肉，十分滿足！天婦羅亦都可以嘗試，睇下飽足感才決定點多少，才不至於浪費～～最喜出望外都是飲品區，選擇度及陳列方式整齊，好像入到便利店一樣隨意選擇,雖然當晚人流滿座但飲品櫃裏補貨快，證明員工效率及反應夠快，抵讚甜品區有自助雪糕配料及雪糕機 亦有現成甜品任君選擇