十兄弟車仔麵 (已結業)

今晚約咗男朋友去睇戲，放工之後我哋去修頓球場附近食車仔麵，佢位置喺地舖方便我哋放工之後行過去食，舖頭乾淨企理，仲可以用手機落單添👍呢一個喉柱牛四寶真心好推介呀！牛四寶入邊個牛孖根足足有三大嚿，食落去好入味骨膠原滿滿！牛坑腩炆得好入味仲有我咪好濃嘅牛丸😏我男朋友叫咗八寶麵，有牛坑腩豬紅大腸豬皮蘿蔔粟米同埋辣魚蛋雲耳，食車仔麵一定要食豬紅同埋豬皮蘿蔔佢全部料都好入味㗎，最鍾意八寶面可以一次過食唔同嘅餸菜，不過留意番份量都幾大🤭🤭我哋叫咗炸雲吞，都炸得幾炸脆口，加埋啲甜酸汁令人哋食完一啖有一啖舖頭個辣菜譜好好味我都買咗一樽辣菜脯返去送面，辣到啱啱好咬落脆口唔油膩😙😚