餓媽家姐 (已搬遷) 新店位置

尖沙咀加拿分道出名多美食，今次嚟到人來人往既宏生大廈地鋪，有間用左sharp 醒黃色招牌既「餓媽家姐」小食店，淨係睇個名玩食字吸引到唔少途人停低望下佢既餐牌見到份menu 圖文並茂，清楚咁將唔同食物分類好哂，包括：-炸燒賣系列-炒腸粉皇系列-炸物系列-沙律系列-烏冬系列-便當系列-手工漢堡系列無論主食小食都一應俱全，同一系列有多項味道/配菜選擇，選擇困難者相信會頭都大哂老闆見我揀左咁耐，就推薦我試下佢地既炒腸粉皇系列：日式鰻魚炒腸粉鰻魚同腸粉呢個組合相當新穎，鰻魚切成6段，沾滿日式燒汁同芝麻，香氣撲鼻炒腸粉食到有鑊氣，而且索哂燒汁味道，入口軟林林，好味😋鮮牛油果醬雞蛋沙律最近小妹想清下腸胃，於是試下呢個沙律🥗七彩顏色既食材入面有打到creamy 既牛油果醬、原隻雞蛋、紅椒、粟米🌽、洋蔥粒🧅、生菜🥬、車厘茄、面包粒，用料新鮮，口感豐富，重點係多纖維飽肚又健康建議大家外賣自取，今次我黎比較多客人，等左大概10mins 就拎到，算係相當快手