Fûhn Express (已結業)

假日在moko睇戲，臨近食飯時間，餐廳門口都是長長的人龍，趕住去睇戲，點都要食個快飯，我諗食food court 應該系個好選擇，行左幾分鐘，就搵到位，仲要系沙發位，行前少少居然有Fuhn越南美食，之前食過佢銅鑼灣分店，質素有保障，于是就揀左佢。湯粉，撈檬，以及多款越南小食可供選擇，我地點左一個特式牛湯粉，一個特式手撕雞湯粉。牛類湯粉用牛湯，湯底鮮甜，選用美國安格斯牛，肉質嫩滑，牛雜爽口，手打牛丸彈牙。特式雞湯粉用雞湯，十分鮮甜，份量真的十分的滿足！手打雞肉丸，出乎意料彈牙，鵪鶉蛋，手撕雞多到食晤晒！蝦餅質素好過好多大品牌！大大塊又彈牙，外表金黃酥脆。滿滿的全部都是蝦膠。扎肉串，似扎肉版的蔗蝦，改用竹簽，將扎肉串起燒，好夠味，而且口感厚實。牛油雞翼，相當邪惡，牛油味超級香，香香脆脆。