影片
更多
2023-05-18
499 浏览
终于可以预约到导赏团去参观配水库!!!好兴奋❤️平时去旅行，比起行街买嘢，我更钟意去睇景、行博物馆、睇唔同嘅特色建筑。4月尾嘅时候，见到有人分享配水库导赏团好值得去，心郁郁好想去睇下😆一入到「深水埗配水库导赏团」网页，已经有告示弹出嚟，话4月-5月导赏团已全部额满🥲想预约的话，要等到5月2日，系统再开放6月嘅导赏团。宜家已经要等到6月1日，先可以预约7月嘅导赏团。见到额满，预约唔到嘅时候，觉得好可惜。但系预约个掣又可以俾人㩒，唔死心，照㩒🫢见到有一个星期六仲有位😏，不过系英文导赏团，唔理啦，难得唔洗请假又有位，㩒咗先算🫢最多到时听唔明，咪疯狂打卡啰😌仲格硬帮我朋友预约埋，完全无问过佢得唔得闲去🤣🤣一日有三团，朝早10点、晏昼2点、晏昼3点。英文团系逢星期六2点正开始，可以喺参观之前食个晏先去。导赏团有一半都系广东话人，所以其实系用广东话、英文一齐讲解，唔难跟。集合地点喺巴域街，由地铁站开始，大约行5分钟左右，会等齐人先一齐行上山。因为唔想行好远，所以拣咗集合点附近地方食饭，时间较好控制。上网见到餐厅唔系好大，位置唔多，初头担心会好多人，无位。到达嘅时候，只有一枱客人，我谂系因为餐厅唔近地
平时去旅行，比起行街买嘢，我更钟意去睇景、行博物馆、睇唔同嘅特色建筑。
4月尾嘅时候，见到有人分享配水库导赏团好值得去，心郁郁好想去睇下😆
一入到「深水埗配水库导赏团」网页，已经有告示弹出嚟，话4月-5月导赏团已全部额满🥲
想预约的话，要等到5月2日，系统再开放6月嘅导赏团。宜家已经要等到6月1日，先可以预约7月嘅导赏团。
见到额满，预约唔到嘅时候，觉得好可惜。
但系预约个掣又可以俾人㩒，唔死心，照㩒🫢
见到有一个星期六仲有位😏，不过系英文导赏团，唔理啦，难得唔洗请假又有位，㩒咗先算🫢最多到时听唔明，咪疯狂打卡啰😌
仲格硬帮我朋友预约埋，完全无问过佢得唔得闲去🤣🤣
一日有三团，朝早10点、晏昼2点、晏昼3点。英文团系逢星期六2点正开始，可以喺参观之前食个晏先去。
导赏团有一半都系广东话人，所以其实系用广东话、英文一齐讲解，唔难跟。
集合地点喺巴域街，由地铁站开始，大约行5分钟左右，会等齐人先一齐行上山。
因为唔想行好远，所以拣咗集合点附近地方食饭，时间较好控制。
上网见到餐厅唔系好大，位置唔多，初头担心会好多人，无位。
到达嘅时候，只有一枱客人，我谂系因为餐厅唔近地铁站，亦唔近附近商场，加上天气唔稳定，少人过嚟哩边。
餐厅有两款单人餐，汤面单人餐、特色单人餐，包主食、小食、饮品；另外仲有二人餐，就系两款单人餐合并，再加埋两碗冰粉。
红烧肥肠刀削面 ($76)
全部面食都可以拣辣或者唔辣，我哋叫咗最少辣。
面底可以拣粗面、薯粉、米线，转刀削面要加三蚊。
上菜嘅时候，见到碗面有好多红辣椒，心谂：「死啦，好似超辣😳。」
但原来系自己吓自己，哈哈，只有颜色，无辣味。
面好大碗，夹极都仲有，唔单止系面，连𩠌都系。
面吸咗汤底嘅味，又唔会太咸，好食。
卤蛋炸酱木薯粉 ($73)
薯粉比较无咁吸汤，面食落比较淡口。
但系加埋肉碎，同样正。
尤其系蛋，系铁蛋口感，好食。
手拍青瓜
一样有一堆红辣椒喺面。
好在都系唔辣嘅，仲有花生碎，不过其他食物比较浓味，觉得佢好淡。
蒜泥白肉
卖相同青瓜差唔多，只系将青瓜换成白肉。
当然有蒜泥喺面，但同青瓜一样，都有一堆红辣椒同花生碎喺面，但系唔辣嘅。
除咗青瓜之外，食物都偏向浓味。
但又唔系咸，辣度拣咗最少辣，所以都唔辣，但系就觉得好浓味。
最后喺附近超市买咗包糖，过一过口。
张贴
