樂園 (已搬遷) 新店位置

想問傾計同打機嘅好地方，樂園絕對係一個好好嘅選擇。呢度除左有貓貓相伴一齊食飯之外，亦都可以約埋一班朋友打機玩board game。餐牌上亦有不少選擇揀，非常好。Oreo雪冰消暑一流，加上佢oreo味好濃，非常值得推介。焦糖朱古力有好香嘅焦糖味，朱古力味亦都好濃，好好飲。我地叫左明太子泡菜釀雞翼，一碟有4件，每隻都釀滿明太子同泡菜，食落口感非常豐富，少少辣好開胃。烤西班牙黑毛豬肋骨配薯角好抵食，塊黑毛豬超級大塊，而且豬味濃郁，又唔會煮得過熟，所以肉質好腍。一大班人黎一定要叫。我地亦都叫左黑松露香煎鵝肝意大利飯，鵝肝煮得外脆內軟，如果可以黑松露再多少少咁就perfect。而意大利飯亦都整得好好食。朱古力心太軟配綠茶蛋糕都幾好食。