海皇粥店 (彌敦道) (已結業)

今日係油麻地探完朋友班之後未夠鐘整證件，就去食啲嘢先～呢幾日有啲頭痛所以決定去海皇食個豬潤粥補下血，另外叫左my favourite炸兩😁其實佢既下午茶幾抵，可惜今次同佢無緣😂 我嘅豬潤粥仲加咗鯪魚球， 自從某朋友介紹我食生滾粥之後我已經好耐冇食過普通嘅粥， 因為生滾粥嘅粥底會吸咗肉既鮮味更入味更好食🙊佢既粥底幾綿，正如我所講吸左肉味更加鮮，但又唔會過鹹，豬潤同鯪魚球既份量適中～炸兩係即叫即整既，外層腸粉滑身，裡面嘅油炸鬼就好脆，好夾😁 豉油係另上，可以按照自己口味去加，仲有自助嘅甜醬，麻醬，芝麻等等，好方便👍下次再去要試新野😀