明珠閣 (已結業)

今日有D忙，要找間快、靚、正食個快lunch。見到哩間「明珠閣」唔洗排隊便走入去了。入座後待應馬上奉上熱茶，對於忙到連水都冇飲既人，杯茶真係來得合時。接住睇睇個餐牌，便㸃了叉燒飯和海南雞飯，再加碟油菜。叉燒用梅頭肉醃製，肉質軟滑，肥瘦適中，再查上麥芽糖燒烤，令到叉燒加添不少甜香，配上熱騰騰嘅絲苗白飯，真係好好味😋海南雞飯D雞，皮薄多肉，唔肥又有雞味，如果可配上油飯，就更加好啦！油菜都只係加$15便有ㄧ碟芥蘭苗，又甜又嫩，正!!當食完ㄧ個有質素既午餐，真係充滿晒電😉叧外，餐廳有個二人套餐，我覺得好抵食 $228 有兩個點心、一碟炒粉麵、一個小食、一個白灼菜、仲有兩客湯，你話係咪好抵!!可惜我地冇時間慢慢食，下次ㄧ定來食。