鹿角巷 (已結業)

自問自己算係鹿角巷🦌既忠實粉絲😻 尖沙咀店基本上只要有去開尖沙咀 我都會誠邀朋友一齊排隊🤣 都有唔少次排隊既經驗 而令我堅持✊多人都要排落去既原因 唔係因為責任 亦唔係因為有錢 而係因為 好飲💕雖然有唔少人覺得好飲都唔值得排咁耐 但味道好主觀 而黑糖鹿丸鮮奶🥛正正係我好鐘意同好難忘懷既味道😆 早排上網見到鹿角巷開分店 仲要係就腳既旺角 (兆萬對面) 相當方便我✌🏻所以决定點都要黎買杯飲 終於前兩日 星期六得閒 約朋友去旺角行街👣 第一站當然係買野飲 門口有幾清晰既指示排隊 隊伍唔算太長 大概有十人左右 流程亦幾快😚 around 10-12分鐘就比完錢 不過要等多10分鐘左右先拎到 我覺得整體花既時間係比尖沙咀少 排完等拎既環境有冷氣 仲貼心既有充電位🔌 幾抵讚 而裝修亦同尖沙咀店相約但地方寬敞好多😛終於拎到黎飲 味道同尖沙咀店既相差唔大 黑糖鹿丸有咬口 夠彈勁 做到彈牙而不唔會好難咬🤣 杯飲品夠凍 岩哂大熱天時飲 甜味岩岩好 鮮牛奶正常香滑 唔會太濃味 重點都係襯托黑糖鹿丸😎 真心希望鹿角巷繼續做到「一杯用心看待的好茶」還原小忠粉「記憶中的感動」✨