龍城冰室

营业中

休息中

平時食早餐一定喺屋企樓下，不過今日就特別啲，約咗朋友出嚟觀塘食早餐，大家唔係住附近，就約個中間點，見下面吹下水！一坐低睇個餐牌，就知自己要食乜，叫咗個「早餐B」，我係見到個「3.6 牛乳炒蛋」配「流心奶黃牛角包」，即時心心眼！食咁多間茶記，有食過牛角包，但配流心奶黃，就真係第一次食。估唔到可以咁夾，仲唔係好「漏」嗰隻，正！飲品我叫咗「凍咖啡」，味道都適中，唔會太甜，又唔會太苦！另外，凍咖啡面仲有啲咖啡粉，都幾好！主食梗係要食「沙嗲牛肉麵」啦！個沙嗲味都幾重，唔係呃人。炒蛋真係好香好滑嘅，下次帶埋仔女嚟食先！