敏華冰廳 (Mikiki)

平日老婆帶完個女返學，我地都會求求其揀間近嘅餐廳食飯，但今日我放假，就決定落新蒲崗試新嘢！其實好似開咗一段時間，但只係每次都好多人，帶住細路排隊又唔方便，所以今日揀咗平日嚟食早餐。

五香肉丁公仔麵

$35

難得仔女唔係身邊，梗係揀個辣嘅麵啦！午香肉丁公仔麵，好香，少少辣。

跟餐

跟餐可配炒蛋牛油多士，老婆最愛炒蛋，敏華嘅炒蛋好香好滑，食過會想再食！

沙茶牛肉公仔麵

$35

而我就為咗將啲沙茶牛肉夾多士食，所以我揀沙茶牛肉公仔麵，但沙茶牛肉唔似沙嗲牛肉，冇咁辣，都幾特別。

1

跟餐

我就對炒蛋冇咩特別興趣，所以我都係叫返煎蛋，配牛油多士，都係跟餐，叫炒蛋/煎蛋都唔洗加錢。

跟餐加$3

最後，識飲一定飲凍奶茶，好鐘意飲茶餐廳嘅奶茶，好香茶味，甜度適中。