影片
更多
2021-09-24
1047 浏览
一年容易又中秋，年尾又到清假嘅時候，除咗中秋翌日假，當然唔執輸放多一日。而平日放假一大好處，之前係幫襯人氣餐廳個陣唔使等得咁辛苦，都容易預約好多，五點左右到安平燒肉荃灣店都唔使點等。第一次幫襯位於荃灣嘅安平燒肉，整體裝修同環境同旺角店類似，卡位都係非常闊落。設有自助區同飲品區，印象中旺角店自助區比荃灣店選擇多啲，希望之後荃灣店都可以增加多啲自助美食；飲品區一如既往焦點都係台式冷泡茶，不過我對冷泡茶興趣不大，所以揀咗台灣經典嘅蘋果西打，尺寸迷你，對於我呢啲鍾意試多幾款飲品嘅人而言就啱啱好。安平燒肉作為牛大人火鍋姊妹店，我最欣賞安平嘅一點係每款肉會加上肉類名稱，方便大家分辨食緊邊款肉，想encore邊款肉都話咁易。今次揀咗最貴嘅澳洲M5和牛放題套餐，重點當然落係和牛，分別點選咗澳洲M5和牛肩胛肉、秘制牛肋條、三角牛肩肉、SRF極黑牛黑椒、洋蔥牛舌、安格斯牛小排、厚切上選牛腹肉同安平私房牛腹肉。個人比較深刻印象嘅有牛肋條同牛舌，牛肋條非常多汁，牛味亦突出；細細塊嘅牛舌則咬落爽口輕盈，配上紅洋蔥同黑椒配料一齊食，微辣口感更大有驚喜。點解仲會奉送一碟睇落好似午餐肉條嘅牛舌芯，肉質偏向油脂豐盛，食
第一次幫襯位於荃灣嘅安平燒肉，整體裝修同環境同旺角店類似，卡位都係非常闊落。設有自助區同飲品區，印象中旺角店自助區比荃灣店選擇多啲，希望之後荃灣店都可以增加多啲自助美食；飲品區一如既往焦點都係台式冷泡茶，不過我對冷泡茶興趣不大，所以揀咗台灣經典嘅蘋果西打，尺寸迷你，對於我呢啲鍾意試多幾款飲品嘅人而言就啱啱好。
安平燒肉作為牛大人火鍋姊妹店，我最欣賞安平嘅一點係每款肉會加上肉類名稱，方便大家分辨食緊邊款肉，想encore邊款肉都話咁易。
今次揀咗最貴嘅澳洲M5和牛放題套餐，重點當然落係和牛，分別點選咗澳洲M5和牛肩胛肉、秘制牛肋條、三角牛肩肉、SRF極黑牛黑椒、洋蔥牛舌、安格斯牛小排、厚切上選牛腹肉同安平私房牛腹肉。個人比較深刻印象嘅有牛肋條同牛舌，牛肋條非常多汁，牛味亦突出；細細塊嘅牛舌則咬落爽口輕盈，配上紅洋蔥同黑椒配料一齊食，微辣口感更大有驚喜。
點解仲會奉送一碟睇落好似午餐肉條嘅牛舌芯，肉質偏向油脂豐盛，食落軟腍、油香滿溢。
其餘燒肉配料叫咗老虎雞翼、安平私房雞翼、三杯雞、豬大腸、奶油金菇、起司鵪鶉蛋、烤中卷、薑汁梅花豬、台灣小枕頭(麻糬)同雞泡魚干，大部份都幾推薦。雞翼都係單骨雞翼，識落勁方便又易燒，安平私房雞翼其實等於孜然(土匪)雞翼，燒得好嘅話肉質會好惹味香嫩；烤中卷亦有驚喜，魷魚軟韌易咬。
最正當然係台式燒肉獨有嘅台式夜市小食系列，今次試咗澎湖花枝排、懷念鹽酥雞、安平炸蚵卷同梅山酥炸薯。個人最鍾意花枝排同鹽酥雞，軟韌嘅花枝加上黃芥末，入口惹味。
自助區選擇唔太多，主要揀咗蔬菜同台式香腸。推介多汁嘅翠玉瓜、鮮甜燒菠蘿同香氣十足嘅台式香腸。
後來加點咗一杯百香果綠茶，本身驚有啲伏嘅配搭又出乎意料地好飲，酸酸地又開胃嘅百香果配上回甘綠茶，茶味清醇，甜度唔太高，推薦大家一試。
甜品同牛太人一樣，都係每人可以點選一款，今次試咗曲奇雪糕同檸檬愛玉。充滿台式風味嘅檸檬愛玉估唔到細細碗都幾足料，有菠蘿粒、珍珠、椰果同愛玉四款配料，食落清爽唔太甜。
张贴
