Coti (沙咀道) (已結業)

係附近上完堂，入左個寫字樓搵廁所，見到寫字樓大堂有間cafe，店仔細細未坐低已經聞到好香咖啡未，超過十款咖啡選擇，有啲款式比較少地方飲得到，另外仲有沙律，意粉，飯，麻雀雖小，五藏俱全。我哋叫咗兩個飯兩杯咖啡，第一個飯係滑蛋鰻魚飯，半熟炒蛋出色，火候啱啱好，鰻魚有脆邊亦非常厚長落足料。另外仲有沙律菜伴碟。跟住係香草雞髀飯，雞髀夠大隻雞皮滑溜 香草比例恰當 鍾意比較清淡朋友可以試吓。最後即係依間店嘅重點，咖啡，我哋分別叫咗Cappuccino 同 ，前者雖然比較普遍，但亦係最能象徵一間咖啡店嘅基本功同咖啡豆嘅選擇，泡沫creamy 甜香，同咖啡豆嘅輕微苦澀非常平衡。