炳記茶檔

营业中

休息中

其實我都鍾意踎大排檔（只限清涼天氣），勝在有港式風味。大坑的「炳記茶檔」人氣頗高，去親都見人龍。小小鐵皮檔供應的食物款式唔算多，都係麵類、多士、三文治咁。當中最出名係豬扒麵（$25，雙拼$30），老實講，我覺得好一般，豬扒冇錯係醃得好入味，又有黑椒香，但肉質就真係差d，本身已經用瘦豬扒，仲要厚切，唔鞋唔韌就假嘅，雖然話咁就證明冇用過化學嘢鬆肉粉啫，但要花九牛二虎之力去咬，少d牙力都唔掂，其實點解唔考慮下用帶少少肥的位置呢？配豬扒的話係用普通麵，並唔係出前一丁，可能要講求快，所以麵都係偏生，要比點耐性浸一陣先好食。反而呢度的多士就做得唔錯，奶油多（$10）用左一般的薄多（最憎食厚多士），果日好好彩普通麵包賣晒，佢畀左裡面有提子的多士我，味道更香甜，烘得脆度恰好，塗上一層薄薄的牛油同煉奶，甜度適中，好食。炳記另一名物係奶茶，叫左杯凍的（$16），唔知係咪加左冰的關係，味道略嫌少少淡，冇咩特別，比較失望，或者下次去叫杯熱的先再下評語。雖然呢度係街邊檔，但已經算乾淨，衛生程度都滿意。阿姐阿叔係比較粗豪，但唔係惡，態度ok的，效率也高，完全符合大排檔講求「快」的原則。所以就算豬扒麵唔掂，我應該會