鮮芋仙 (已結業)

我們一家人，真係無辦法去抗拒《鮮芋仙》這一家店。那天，我同太太在大埔中心行完街，感到疲倦之後，決定要找一個地方食下午茶。好自然地，不去茶餐廳，不去快餐店，我們既腦海中浮現的，就是台式的芋圓甜品。我們也好自然地，來到《鮮芋仙》的門前。仙草4號 (芋頭、紅豆、珍珠)。每次見到兩大舊芋頭，我就知道太太準備甜品當飯食。有這一個香甜香滑的芋頭，再加上粉圓同紅豆，真的可以令人半飽。再者，粉圓同仙草又甜的煙韌，芋頭亦似乎是浸過糖水的。極甜的出品，喜愛甜的朋友一定會喜歡。招牌仙草冰沙 (芋圓、仙草凍、仙草冰沙)。同樣是一個非常甜的甜品，而且，大熱天時，行到身水身汗，有這樣的一個又甜又冰凍的甜品，吃一口已經能感覺到透心涼。係香港，都食過好幾間甜品店的芋圓，始終覺得《鮮芋仙》的質素最有保證，保證到芋香同地瓜香味是十足的。食過好多次不同分店的《鮮芋仙》好少會令我感失望。就是因為《鮮芋仙》好少會令我感失望，所以每次起食甜品，都忍唔住，指定要去《鮮芋仙》，也忍唔住，每次吃完，都要撰文表揚一下。