影片
更多
2011-12-02
77 浏览
我從來唔寫食評, 但今日去左東角既板長食 lunch, 質素差到唔可以接受, 忍唔住要來寫! 我曾經都係板長/板前既 fans, 冇來一排, 質素竟可暴跌如此! 我並非點一些特價lunch set, 而係menu上的正價食品, 如下:1. 海鮮蕃茄湯烏冬 - $45, 今日氣溫驟降, 想叫一些暖笠笠既野食來暖下胃, 點知個烏冬既湯係唔熱, 只係微暖!!!! 仲要d烏冬"淋 bat bat", 一d都唔彈牙, d海鮮又唔掂, 當中有一隻八爪魚仔, 係細到我唔識形容!而且成碗野只有一隻八爪魚仔, 而唔係幾隻! 頭+足鬚只有1cm而且極幼身, 從未見過細到咁mini 既八爪魚 baby, 咁都放得上枱! 如果客人多, 唔夠人手、太忙, 質素有點下降, 我可以接受!! 但當時客人並唔多, 只係小貓三四隻, 點解可以差成咁!! 加上碗野好細碗, 我冇諗過 menu 上的正價品會係咁既份量! 勁細碗、湯唔熱、烏冬淋、海鮮差, 簡直不知所謂!2. 軟殼蟹手卷 - $20, 又係凍既, 當時around 12:30, 客人不多, 很多枱都空空的. 在這麼少客人的情況下送上凍的軟殼蟹手卷, 我覺得唔
我曾經都係板長/板前既 fans, 冇來一排, 質素竟可暴跌如此!
我並非點一些特價lunch set, 而係menu上的正價食品, 如下:
1. 海鮮蕃茄湯烏冬 - $45, 今日氣溫驟降, 想叫一些暖笠笠既野食來暖下胃, 點知個烏冬既湯係唔熱, 只係微暖!!!!
仲要d烏冬"淋 bat bat", 一d都唔彈牙, d海鮮又唔掂, 當中有一隻八爪魚仔, 係細到我唔識形容!
而且成碗野只有一隻八爪魚仔, 而唔係幾隻! 頭+足鬚只有1cm而且極幼身,
從未見過細到咁mini 既八爪魚 baby, 咁都放得上枱!
如果客人多, 唔夠人手、太忙, 質素有點下降, 我可以接受!! 但當時客人並唔多, 只係小貓三四隻, 點解可以差成咁!!
加上碗野好細碗, 我冇諗過 menu 上的正價品會係咁既份量! 勁細碗、湯唔熱、烏冬淋、海鮮差, 簡直不知所謂!
2. 軟殼蟹手卷 - $20, 又係凍既, 當時around 12:30, 客人不多, 很多枱都空空的.
在這麼少客人的情況下送上凍的軟殼蟹手卷, 我覺得唔可以接受, 咬落去的質感有如隔夜的!
後來向經理投訴, 雖然佢叫人再整過, 換來一份熱既, 但"乾爭爭"的程度令我覺得只是將軟殼蟹 re-heat 而已! 味道又苦苦地!
元氣、和花庭等等的軟殼蟹手卷好食過佢百倍, 從來冇令我有隔夜既感覺!
3. 三文魚壽司 - $6, 縮晒水勁細粒, 仲要片三文魚有點甩甩漏漏、唔得完整, 味道亦好淡!
爭鮮外賣店的 3 蚊雞 sushi 絕對好過佢!
好抱歉, 本人冇帶手機, 影唔到相, 真係好希望影到果隻 mini 到極既八爪魚仔比大家睇, 相信大家都會 O 晒咀!!!
张贴