影片
更多
2024-06-16
437 浏览
同兩個朋友一行三人見到餐廳有個實驗五花肉自由套餐幾抵，諗住試下，點知成餐飯換黎就係食左一肚火同食左個空虛因為完全冇預計到樓下等𨋢可以排到出街咁長，我地比原定留15分鐘枱遲左3分鐘到達咁當然我地係可以早啲到，所以去到都只係想睇下會唔會照俾到枱我地，唔可以都唔緊要去到reception位個職員就話我地遲咗幾分鐘，所以要當no show + walk in計 咁大家都一路等緊佢答可能要等幾耐，但係佢自己就一味係度篤部機，咩都冇講就突然print左張單帶我地入去坐本身已經黑人問號緊，不過當時見到餐廳分左兩個area更加一頭霧水外面地方比較多裝飾，冷氣都涼啲唔算好大油煙味但係我地係被帶入去另一個area，惡夢就開始了眼看見呢個area已經坐滿左人，成場煙霧瀰漫而且空間侷促，冷氣比出面細好明顯睇到密封式環境抽風系統做得唔好，而且超大音樂聲同人聲都已經困咗係同一個area成餐飯都係要大大聲先傾到計，重覆幾次先聽到咁由於抽風系統唔好，加上大家應該都係為左燒肉而黎，啲油煙搞到個地下跣到好似溜冰咁🛼如果行快兩步或者太大步，我諗都一定會跣死但係難得坐低左，都諗咁多人食，應該可能食既野都唔差，所以都暫時接受左
因為完全冇預計到樓下等𨋢可以排到出街咁長，我地比原定留15分鐘枱遲左3分鐘到達
咁當然我地係可以早啲到，所以去到都只係想睇下會唔會照俾到枱我地，唔可以都唔緊要
去到reception位個職員就話我地遲咗幾分鐘，所以要當no show + walk in計
咁大家都一路等緊佢答可能要等幾耐，但係佢自己就一味係度篤部機，咩都冇講就突然print左張單帶我地入去坐
本身已經黑人問號緊，不過當時見到餐廳分左兩個area更加一頭霧水
外面地方比較多裝飾，冷氣都涼啲唔算好大油煙味
但係我地係被帶入去另一個area，惡夢就開始了
眼看見呢個area已經坐滿左人，成場煙霧瀰漫而且空間侷促，冷氣比出面細
好明顯睇到密封式環境抽風系統做得唔好，而且超大音樂聲同人聲都已經困咗係同一個area
成餐飯都係要大大聲先傾到計，重覆幾次先聽到
咁由於抽風系統唔好，加上大家應該都係為左燒肉而黎，啲油煙搞到個地下跣到好似溜冰咁🛼
如果行快兩步或者太大步，我諗都一定會跣死
但係難得坐低左，都諗咁多人食，應該可能食既野都唔差，所以都暫時接受左啲環境問題
見到張單上面寫住最低消費人均150，內心係有一刻覺得有啲唔抵，但係一般係香港食好既韓國野可能要$200一個人頭，所以都算
我地叫左五花肉套餐追加咗無限任添，咁跟餐會送一碟生菜，跟餐可以加配小冷麵
另外叫左大炸物拼盤同埋牛油蒜香炸雞
最後仲叫左個沙冰，不過可以後上，寫住製作時間要40分鐘（呢樣可以文章後段再講）
第一個上菜嘅係五花肉，一放低有五塊五花肉，跟左一個柚子醬去燒同埋兩款蘸醬（麻油同埋韓式豆醬）見職員冇放低生菜，我地都唔問住因為見佢都做唔切，所以諗住之後再問佢拎返
五花肉睇落正常，但係個小冷麵就好一般🙃
冷麵用一個有柄既細兜裝住，大約係平時大既1/3份量。由於冷麵係微凍，所以倒汗水黐住張枱會令到枱同個兜之間有吸力，唔小心拎嘅話可能一拎成兜反起
而個冷麵本質一睇，擺明就知道係一早整定
點解？因為個冷麵一夾起係一餅過（當下覺得唔好咁多挑剔，所以都冇影到相）啲汁係另外再倒落去，所以撩極都唔散
冷麵汁都冇醋味，亦都冇另外比醋我地落，好大機會係韓國即食麵版
第二樣上既係炸物拼盤，但上菜個下已經覺得唔吸引
食落口，簡直係比起用氣炸鍋整仲差
炸物唔熱唔香口，炸皮同餡可以完全分離，仲有部分懷疑未炸完就扔出黎
例如個炸餃子，點解可以成隻白到好似舊芋頭咁？？？咬落去好似成舊啱啱解凍完就拎去叮左30秒咁🥟emoji呢隻都金黃色過佢
最後上既係炸雞，外觀睇落唔差，不過咬落口成浸雪味
雞肉本身冇咩味，肉質唔夠滑，都唔夠juicy
每人食左一舊已經不了，成個底都係油🫥
跟住就可以講番服務方面
本身佢地樓面應該有3-4個職員，估計20張枱左右，不過已經好似做唔切咁
已經唔知係咪個地下跣到佢地自己都行唔到快少少，所以完全冇話快手快腳既感覺
上菜本身唔耐，但refill速度慢到… 你當叫一次要等15-20分鐘先追加到肉（一次三塊）
加上剛才提到本身任食五花腩餐會送一碟生菜，講真唔係話貪，但佢係應比都冇比🤏🏻
我同朋友加埋成餐飯追左不下十次，職員次次都話幫你跟跟，但一路見佢地枱枱都繼續出野食，但就係唔比我地
有個男職員仲要眼尾見到我朋友想再問就逃避，問左幾次仲要最後答：用手機落單就得（佢意思係比10蚊叫一碟）
另一個朋友表示忍唔到，行去出菜附近問啲職員先有反應，但都係我地食完哂啲肉佢先上，咁請問係expect我地會淨食生菜定當salad？
本身未食都好地地，入場個時諗住食埋佢個沙冰先走
先唔講佢個沙冰要138，加埋一係150幾
佢仲要叫完準備上菜都要40分鐘⏳食過咁多間刨冰/沙冰，都冇一間要等40分鐘，亦都冇話要收150蚊一個咁誇張
加上等菜都等到冇心機，我地直接cancel就算
可以計一計，唔cancel沙冰講緊要600幾埋單，Cancel完都要近490
本身環境同食物質素如果正常，600幾係尖沙咀黎計都算係合理
但佢做到咁，真係人均100都唔值
建議大家真係唔好去，免得食到一肚氣仲要成身都臭哂🤢
张贴
