今次又嚟喇 叫左個燒雞串（$6x）咖哩吉列豬排蛋包飯（$10x) 忌廉湯海鮮意粉（$9x）
先講雞串 燒得啱啱好 少少燶好香口 食落又諗 雖然份量係少啲得4串 但都物超所值 個醬汁好特別 酸酸甜甜好開胃 唔錯既小食！
再講咖哩飯 塊豬排！好！鬆！化！冇諗過咁好味 好易咬得開 一啲都唔似果啲炸左好耐既排 個份量都幾大份 好大塊蛋 起碼半碟都係咖哩汁 大大塊排剪成7舊 一啲都冇呃秤 建議兩個人share
到意粉 個汁好香濃 有令人一飲再飲既魔力 個汁入面仲有毛茄！我至愛！平衡番忌廉湯既味 配料有帶子 魚柳 蜆 蝦 菇 洋蔥 好好好豐富 最值得一提係佢隻蝦真係好爽口 好甜！下次嚟到一定再叫
總結: 十分滿意 一定會再嚟
