官塘既八記粉麵，來得呢度食麵當然有原因，就係呢度有佢自家制既墨魚鬚﹗
好少麵鋪會有呢個送俾你揀，所以我就揀左八記喇﹗哈哈﹗
調味方面好多選擇，不過我只會加少少辣椒油走油﹗
鮮墨魚鬚﹗成日發夢都見到佢架﹗
今晚我叫左墨魚鬚魚皮餃加紫菜底麵，個名夠哂長﹗係咪好大食呢？
魚皮餃咬落香噴噴肉香四溢，肉汁勁多，魚皮夠煙韌，好多人都話我唔魚不過又食炸魚皮又食魚皮餃係咪玩野？
其實唔腥無魚味的魚類副產品我都吃的﹗
主角來喇﹗墨魚鬚﹗
做得超好，新鮮結實彈牙又夠多，咬落充滿質感，墨魚怪的至愛呀﹗
呢度0的紫菜顏色好鮮明呈青綠色，唔似自己買番屋企浸水開出來的那些，入口很清新，閒時一個人上網可以一晚食成一百包四洲紫菜的野人，見到有紫菜食真係垂涎三尺，配住個麵食真係一流﹗
簡簡單單的麵鋪，其實不簡單﹗
百物騰貴，碗麵不便宜呀﹗加加埋埋三十蚊先埋到單﹗
不過愛吃，最多明天吃得便宜點，也要來整番一碗﹗正如愛墨魚，明知膽固醇高得很也要吃，最多明天吃貴格麥皮吧﹗
