吉列牛忌廉烏冬專門店 (百樂中心) (已結業)

之前網上睇到香港都開咗間韓國好出名嘅Kobekyu吉列牛專門店，宜家唔駛飛去都食到啦。 🤤🤤吉列牛係用美國牛脊肉🐮，肉質嫩滑軟腍，店員會比個爐同熱石板我哋燒，之後將塊牛逐一放落去燒幾秒就食得，唔駛燒咁耐，因為本身送上嚟嘅時候已經有3成熟，佢啲炸粉唔會太厚，食落去完全感受到外脆內嫩嘅感覺，非常鬆化，無論係單食或者送飯都一樣咁好味。鍾意可以點啲沙律醬或者Wasabi 食都可以。 另一款呢度嘅主打吉列牛忌廉烏冬，一直都好想試下呢個咁有趣嘅配搭😍，今日終於搵到個機會嚟試下啦。望住一大碗忌廉以為好似好飽，不過佢撈埋咗落去啲烏冬其實又唔係話好多，忌廉下其實係咖喱烏冬，烏冬加咗忌廉變得更加爽滑，咬落去煙煙韌韌。我哋仲叫多咗個小食雞軟骨餃子，一次過可以滿足兩個願望，皆因我又鍾意食雞軟骨，又鍾意食餃子。個皮薄得嚟夠脆，雞軟骨有咬口。 飲品揀咗杯Passion Punch🍹同Citrus Ocean，望到個顏色已經好吸引，味道酸酸甜甜，非常醒胃。😍🤩