ROYAL INN

又係girls talk 既時間，絕對係搵間又靚又坐得舒服又好食既西餐。呢度歐陸風格吊燈同花花海，圓拱形窗框，天花用鏡面設計，步入時已感受到氣派。海鮮二人晚餐，非常豐富。招牌海鮮凍食拼盤，有7款海鮮咁多，生蠔爽口，北海道帶子又爽又清甜。是日餐湯係忌廉蘑菇湯，有粒粒蘑菇蓉，配兩片烘脆法包，唔錯！香辣伏特加大蜆扁意粉，個意粉微辣帶酒香，唔油膩夠乾身，大蜆粒粒有肉，海鮮味重。大蒜蘑菇忌廉烤雞，烤雞好香口，啖啖肉，用海量忌廉汁去浸煮，有蘑菇、薯仔、茴香子，上面有手刨炸蔥，有心機又好食。仲配有麥包可以點忌廉汁。