吉列牛忌廉烏冬專門店 (百樂中心) (已結業)

韓國美食風摩香港，炸雞、韓燒、魚糕串、部隊鍋都試過曬。 朋友帶路嚟到 銅鑼灣百樂中心，試下新野 韓式忌廉烏冬！餐廳真係好有人氣，門口已經見好多人大排長龍！美國頂級牛里脊背套餐牛里脊用上美國頂級牛肉，脂肪含量較少，肉質鮮甜嫩滑無渣，肉汁豐盈。廚房會將牛肉煮到半熟上碟，自行再放上板燒至喜愛情度，蘸上黑松露醬，味道醇厚濃郁。秘製柚子豉油，酸甜醒胃。芝士大啡菇，肥美厚身肉質爽甜，很重菇味，加上濃郁芝士烤焗，香味更顯突出！鹹蛋黃薯條跟套餐，啱曬我呢個鹹蛋黃控！薯條即叫即炸熱辣辣，每條蘸滿豐富鹹蛋黃，脆口甘香！香辣忌廉雞肉炒麵必食招牌菜，有忌廉烏冬(唔辣)和忌廉炒麵(香辣)，最後揀咗香辣忌廉炒麵。雞肉嫩滑惹味，採用辛辣麵條，圓渾粗身爽口彈牙，辣度有後勁愈食愈辣。靈魂是那忌廉泡沫，加添幼滑黏口、濃稠質感！