影片
更多
2024-02-26
64 浏览
上次黎大角咀食野經過3 crepes 已經好想食，但無耐太飽放棄左，是日又黎到大角咀買野，呵呵，行過黎食返件餅先。門口飾櫃琳瑯滿目，食咩口味好呢，除左甜食，呢度嘅可麗餅都有鹹食揀，直頭可以當正餐😆幾番掙扎後決定要士多啤梨朱古力口味，貪佢個餅皮都係朱古力🤤睇住店員即叫即整手法熟練，唔便五分鐘就出品，正啊🤤餅+飲品套餐有優惠可全單減十蚊，抵呀，去便利店買支茶都要咁錢啦👍⭐士多啤梨朱古力拎上手好飽滿好重手，餅皮煙韌有咬口，入口係朱古力醬同忌廉，勁重朱古力味好正呀，個餅都唔會過甜，因爲中間都夾了士多啤梨片，香甜得黎帶酸味，正好平衡番個可麗餅😋⭐伯爵紅茶飲品揀了伯爵茶走甜，落完單先發現收據落左走冰，拎到上手發現無錯喎，走左甜但有冰👍店員果然係有留心嘅😊食完甜野飲番啖紅茶啱啱好，滿足。好好味，下次黎食咩口味好呢🤭
門口飾櫃琳瑯滿目，食咩口味好呢，除左甜食，呢度嘅可麗餅都有鹹食揀，直頭可以當正餐😆
幾番掙扎後決定要士多啤梨朱古力口味，貪佢個餅皮都係朱古力🤤睇住店員即叫即整手法熟練，唔便五分鐘就出品，正啊🤤
餅+飲品套餐有優惠可全單減十蚊，抵呀，去便利店買支茶都要咁錢啦👍
⭐士多啤梨朱古力
拎上手好飽滿好重手，餅皮煙韌有咬口，入口係朱古力醬同忌廉，勁重朱古力味好正呀，個餅都唔會過甜，因爲中間都夾了士多啤梨片，香甜得黎帶酸味，正好平衡番個可麗餅😋
⭐伯爵紅茶
飲品揀了伯爵茶走甜，落完單先發現收據落左走冰，拎到上手發現無錯喎，走左甜但有冰👍店員果然係有留心嘅😊食完甜野飲番啖紅茶啱啱好，滿足。
好好味，下次黎食咩口味好呢🤭
张贴
