Primo (已結業)

今日因為要開會所以過開嚟，於是即刻上open rice睇吓有乜好嘢食😆近排冇乜食pizza，加上有Happy Hour，所以好快就決定食呢間。一坐低嗌番杯嘢飲下先😊平時飲Gin Tonic佢都會溝好咗一杯咁上，呢度佢會喺你面前開枝Tonic倒落去，成件事好有Service。煙三文魚西柚沙律個汁係泰式酸汁，少少辣，好開胃。因為用餐之前已經睇過好多人讚個Pizza好出色，咁佢真係出色嘅，但感覺上好意料之內，無WOW嘅感覺。反而冇乜人講嘅湯，我就覺得好有驚喜！佢嘅海鮮料好豐富😍有蝦、帶子、魚柳同青口，啲海鮮完全冇雪藏味，加上個湯勁creamy，真係非常之好味呀！Pizza我揀咗Hawaiian薄批，因為睇Menu嘅時候見到佢唔係用新鮮菠蘿而係用菠蘿蜜餞，食落菠蘿蜜餞甜過新鮮菠蘿好多，我覺得好新奇！好滿足嘅一餐，等我下次嚟試埋佢個set lunch先！