泰越概念 (已結業)

今日係cwb睇完avengers 帶住興奮既心情搵到而間野~~ 餐牌野食都算多架！ 而且朋友又想食越南新鮮春卷 咁就一於揀佢啦！先上既係朋友最愛既越式春卷呢隻春卷係完全比人清新既感覺點一點店鋪秘製既甜辣汁，入口有啲似撈蒙開胃一流~~之後就到無論係泰國菜定越南菜都必點既豬頸肉呢度既豬頸肉燒到恰到好處不會太乾！！！咬落去可以感受到肉汁滲出黎既瞬間串燒係呢間鋪頭比我既最大驚喜一碟六串有齊雞，牛，豬全部肉質都超嫩滑，完全唔會話有燒過龍既柴既感覺再配埋個沙爹汁，無得彈必點~~呢個蜜糖燒牛肋骨好正，因為搽咗蜜糖既關係變到好似BBQ燒烤咁肉質都好嫩講咁多終於到我最愛既芒果糯米飯🍚芒果唔錯~~ 最正係個飯，超軟熟煙煙韌韌好好咬口撈埋個椰汁，哇。。。爽阿叫咗咁多串燒， 冇理由唔叫枝野飲㗎椰青超甜