傷心酸辣粉 (砵蘭街)

营业中

休息中

天氣開始轉涼，係時候食啲辣野刺激下味蕾，順便暖一暖身。依間分店位於樓上舖，係朗豪坊附近。傷心酸辣粉的湯底非常開胃，同一般餐廳唔同，酸味係以陳醋為主，愈食愈開胃公。我哋就叫左自選二人餐，配2碗酸辣粉，再揀4款小食，非常滿足。餐廳除左酸辣粉，仲有重慶小麵、泡椒米線、涼麵、冷麵等等，小食都好多元化有超過30款，可按自己喜好揀辣度🌶️。另外有烤魚、雞煲、小龍蝦等小菜，亦設有自助配料吧，任食素菜等配料打邊爐。精選二人餐（小辣）＄146🌶️傷心酸辣粉以陳醋、有籽辣椒油製作成湯底，用粗薯粉黎吸湯，粗糙的粉好索湯同入味，薯粉煙靭，份量好足。再配以酸菜絲、鹵肉碎、花生粒屬、芫茜、點綴同增加口感，食完仲好開胃唔頂肚。🌶️皇牌口水雞口水雞辣汁可揀辣度，麻麻辣辣好惹味，雞肉十分嫩滑～，雞汁凝固咗變啫喱。底部仲有好脆的花生同青瓜絲鋪底，係每次食都必點的招牌菜式心。🌶️紅油蒜蓉青瓜青瓜入口爽脆，青瓜、切粒無預先醃製，淋上辣椒油同蒜蓉調味。🌶️麻辣肚絲豬肚切成幼絲，加入辣椒油、花生麻醬調味，底部附上香脆花生粒同青瓜絲，十分惹味。🌶️黃金花枝丸炸到金黃色嘅花枝丸，香脆內軟，配上泰式辣醬，滋味可口。