Subway (已結業)

偏遠地方做嘢，早去到目的地未夠鐘，食啲輕食順利坐一坐稍作休息。自己揀幾多吋面包，幾款口味麵包揀一，店員先烘麵包，我揀左碎蛋芝士，再揀啲配料，例如酸瓜、生菜、蕃茄、青瓜。再揀埋個醬就完成我選擇困難症嘅過程。套餐配飲品可以揀汽水或者支裝水。以前嘅我會配埋曲奇餅，但係年紀大了，甜嘢我都係有啲保留，健康要緊，另外仲可以加配薯片一包。 落曬order先比錢，自己去雪櫃拎埋嘢飲可以搵位坐底食。 麵包6吋，但好好味好似唔夠喉，麵包烘過小小脆但仍吃到麵包嘅軟，因為烘過麥包嘅香完全飄出嚟，我最喜歡酸瓜味道，我認為係成個包嘅精髓， 生菜新鮮沒有瘀黑，每片青瓜都脆口不苦澀，蕃茄都係新鮮嘅，所以行經subway嘅鋪頭都忍唔住要食一個。