初凝 · 芝茶 (已結業)

行過旺角中心想買野飲，旺角中心有好多選擇，但我揀左呢間，因為好鍾意呢間手搖個名，叫做‘初凝 · 芝茶’，即係初心凝聚既芝士奶蓋茶！冬天終於黎到，亦都係士多啤梨🍓最時令既時侯，所以我叫左個初凝芝•雪中送士多啤梨，另外再叫左個初凝芝•多芒🥭3.5拿鐵，兩個都係加左芝士奶蓋既，點解？因為我俾佢個介紹吸引左，佢既芝士奶蓋係用德國🇩🇪既牛奶，同埋澳洲既芝士🧀做既，果然冇揀錯，係我飲過數一數二好飲既奶蓋！出色初凝芝•雪中送士多啤梨-芝士奶蓋鹹甜度適中，再加埋微甜綿密既士多啤梨🍓沙冰，清新好味！初凝芝•多芒🥭3.5拿鐵-果然冇改錯名，真係啖啖都有芒果🥭肉，真材實料，芝士奶蓋唔在講，德國3.5鮮奶拿鐵香滑細緻！