合十 (已結業)

最近觀塘apm開左日本人氣藥妝松本清，即刻過去買左轉勝利品！行到攰攰地，就嚟到呢間打卡cafe醫肚。Lunch time嚟到超多人，好彩一早book定枱唔洗等位！燒牛肉紫洋蔥沙律，最近食滯咗所以前菜點咗健康開胃嘅沙律，燒牛肉唔鞋口分量多，沙律菜又好新鮮，配上惹味醬汁，非常開胃巨型豬扒跟薯菜，一上枱果刻呆左，塊豬扒仲大過碟，果然係人氣必點之一！豬扒大塊得嚟仲好厚切，但又唔會好韌，不過2個女仔嚟講又多左少少，3人食就最好。冬陰功海鮮扁意粉，意粉份量相對比其他餐廳少，但海鮮反而多好多，帆立貝都有好幾粒，而且仲有青口、蝦仁、蜆等海鮮，誠意十足！飲品方面，叫了二杯特飲，味道不過不失，飲品名字創意十足！