大眾燒肉酒場 X 陀地燒 (已結業)

今晚我難得約左我最愛既兩個girl friend 相聚，作為中間點既旺角，係好多野食，但同時都有超多好伏既餐廳。我地對食野有要求，唔係話貴同出名就好，所以經過我地幾輪既嚴選後，最終扑搥左黎大眾燒肉酒場!一句講哂: 肉類質素高!主打既和牛真係好好食，當中既和牛壽喜燒同免治和牛多士，實在係必點!! 其中一位朋友岩岩先係日本旅行番黎，佢話質素真係好似佢係日本食果種咁! 和牛壽喜燒、鹽葱火炙和牛，都係店員即席係你面前火炙，火光熊熊睇show咁。燒好後會捲起鹽葱火炙和牛，而和牛壽喜燒就會跟蛋汁撈好，再鋪在飯上。壽喜燒用的和牛屬於肩頸後方的部位，燒後的香氣十分誘人，油花亦剛好; 重點是入口肉質嫩滑，這款和牛實在令人回味。米飯圓潤飽滿，粘糯的質感，是日本米啊!  我地一共叫左3 round壽喜燒!免治和牛多士多士烘到香脆，內層有著厚厚的、肉質幼細的免治和牛，黑松露沙律醬混有些許芥末，味道是非常的夾!有驚喜!汁燒和牛五花跟汁燒手切封門柳都好吃，但我仲有特別的推介: 西班牙黑毛豬燒好後意外地去除左脂肪感，好香好味!柚子雞肉 (2 round)可愛既造型已經取勝，估唔到雞肉大塊得黎，仲要燒左咁耐都都可以咁