滿小館 (已結業)

來到滿小館，先開一壺白桃烏龍茶，茶味清爽中帶點白桃香，烏龍茶可解油膩。🍅 冰鎮荔枝串串茄 ～ 天氣太熱點呢個真係好透心涼， 荔枝拆肉切碎，拌入串串番茄仔雪凍酸酸甜甜好開胃。✡️ 嫩滑酸菜魚 ～ 每片魚都咁滑榴， 入口帶點酸辣夠麻， 配菜有豆卜，大豆芽，酸菜，最特別竟然係配米線底，我真係估佢唔到呀！米線吸哂d 酸湯超正喎。✡️ 火焰古法燒腩叉 ～ 厚切腩叉， 用古法火焰去燒， 面層的桂花糖夠香甜， 腩叉入口鬆軟，忍唔住食多兩件都唔會過份🤪。✡️ 啫啫通菜煲 ～ 呢味菜係我和謙謙最喜歡的， 喜歡佢煲上夠哂惹味特別係d 豬肉碎蝦乾碎連同通菜一野送入口送飯一流。✡️ 海味野菌炆伊麵 ～ 野菌配伊麵好夾，伊麵炆得入味又唔會油膩，謙謙話正。