666泰船麵 (仁愛街) (已結業)

前幾日遲咗收工，同同事落咗樓下食個快飯，我哋揀咗間平時lunch好少食嘅泰國餐廳😋 但估唔到最令我impressive嘅係佢個椰子雞湯🥥🐥我同同事一見到呢個湯都掙住嗌黎飲，因為有養顏嘅花膠🥰，呢個湯真係好唔錯，價錢唔算貴，但塊花膠幾乎成個碗咁大，食落好滑捋捋😋 而個湯飲落好清甜，有椰子嘅香味，仲有啲雪耳同椰子食添，好足料！我哋見佢仲有串燒食，嗌咗串雞食，雖然$41得3串，有啲少貴，但食落又真係幾好味，雞肉夠嫩，燒得剛好！再加埋佢面頭甜甜哋嘅沙嗲醬，仲有滿滿嘅花生粒，唔錯唔錯🤤見到佢個湯底嘅色水同味道都知係誠意之作，飲落去好濃郁，有啲啲藥材味，連我唔太好船麵都覺得幾好味😆，配料有豬肉、豬肉丸同豬肚，值得一讚嘅係豬肉丸，好爽口彈牙，幾唔錯！而金邊粉好滑，唔會太散，食落都似泰國正宗船麵👍🏻呢個海南雞飯都好抵讚，雞肉超嫩滑，點埋個幾惹味嘅海南雞醬真係相當惹味😋 而佢個油飯充滿咗雞油嘅香味，忍唔住一啖接一啖咁食，好快就清哂🤣呢杯碟豆花好啱打卡，紫紫哋色咁，好夢幻😍 飲落好fresh，有淡淡青檸味，食完沙嗲串燒呢啲咁重口味嘅嘢食之後，飲返啖就啱啱好!總括而言，呢間泰國餐廳仔嘅嘢食都幾正宗，特別係佢