下站帖 (已結業)

行完街好頸渴去買杯野飲，知道由台灣原創品牌-下站帖係尖沙咀開咗分店，就特意去試吓。門口已經好多人等緊飲品，而且店舖更附設有打卡影相位置，可見這一間台式飲品店都很吸引遊客和本地客。見到網上推介下站帖太極厚醇奶，而且飲品圖片賣相好吸引，決定買杯試吓。原來太極嘅意思係芝麻同埋花生🥜，望落去兩種顏色好似太極圖案，影相一流！花生粉同埋芝麻粉混合左奶蓋，飲落去味道唔會太甜，反而仲有少少花生同埋芝麻碎嘅咬口，多重口感享受。另外還試了店員推介嘅下站帖波霸厚醇奶飲品。賣相有豹紋嘅條紋，攪勻一齊飲非常香滑，黑糖珍珠煙煙靭靭，好有口感。朋友還點了霸切滿爆鮮果，驟眼睇已經見到入面有蘋果、橙等等嘅水果片，她選擇咗要半糖，飲落去味道幾清新鮮甜，解渴一流！還有黑糖芝士厚醇奶，非常Creamy。最後兩個人買咗四杯飲品埋單都只係百幾蚊，就可以試晒四款唔同嘅飲品味道，而且係即叫即整、非常新鮮，下次會再試吓其他款式嘅台式飲品。